Katla Sif og lið Fornusanda á toppnum í 1.deild Hringdu

Tveimur keppnisgreinum er nú lokið í 1.deild Hringdu í hestaíþróttum en þær eru fjórgangur og Gæðingalist. Í næstu viku, þann 12.mars, verður svo keppt í slaktaumatölti en keppnisgreinar í deildinni eru alls sjö talsins.

Eins og staðan er núna er það Katla Sif Snorradóttir sem leiðir í einstaklingskeppninni með 20 stig. En hún og Sæmar frá Stafholti unnu keppni í Gæðingalist og urðu í þriðja sæti í fjórgangi. Góð byrjun á keppnistímabilinu hjá Kötlu. Í öðru sæti er Lea Schell sem reið til úrslita í fjórgangi á Húna frá Efra-Hvoli og í þriðja sætinu í gæðingalist. Í þriðja sæti er svo Þórdís Inga Pálsdóttir sem sigraði keppinauta sína í fjórgangi á Móses frá Flugumýri.

Í liðakeppninni er lið Fornusanda í forystu með 119 stig. Liðsmenn þess eru Sigvaldi Lárus Guðmundsson, Ólafur Þórisson, Lea Schell, Hlynur Guðmundsson og Katrín Sigurðardóttir. Í öðru sæti er lið Hrímnis með 106,5 stig og í því þriðja Kidka/Hestakofi með 77,5 stig.

Lið Fornusanda. Ljósmynd: Draumfaramyndataka/Gunnhildur Ýrr

10 efstu í einstaklingskeppni

Staðan í liðakeppni