Lokamótið í Meistaradeild Líflands og æskunnar

Lokamótið í Meistaradeild Líflands og æskunnar fer fram á félagssvæði Hestamannafélagsins Fáks í Víðidalnum í Reykjavík á morgun, miðvikudaginn 22.apríl, og hefst keppni klukkan 18:00. Mótið er að sjálfsögðu sýnt í beinni útsendingu á EiðfaxaTV.

Lið Isi-Pack á toppnum

Það kemur því í ljós að gæðingaskeiði loknu hvernig endanleg röð þeirra tíu keppnisliða sem taka þátt í deildinni í vetur verður. Alls er fimm greinum lokið; fjórgangi, fimmgangi, tölti, gæðingalist og slaktaumatölti. Að svo stöddu er það lið Isi-Pack sem hefur töluvert forskot í efsta sætinu með 388 stig, í öðru sæti er lið Hringdu/Toyota Selfossi með 289 stig og í því þriðja lið Vakurstaða með 270,5 stig.

Knaparnir í deildinni hafa verið til mikils sóma í allan vetur, þar hafa sést frábærar sýningar og ljóst að ekki er langt þar til þessir knapar framtíðar fara að berjast við okkar allra bestu knapa um sigur á stórmótum.

Ráslisti í gæðingaskeiði