Frontur frá Finnastöðum efstur inn á mót

Það styttist í að Landsmót hestamanna hefjist á Hólum en keppni hefst á sérstakri forkeppni í barnaflokki á sunnudeginum 5. júlí. Keppni í A flokki gæðinga hefst á þriðjudeginum 7. júlí.

Sigur í A-flokki gæðinga á Landsmóti er einn eftirsóttasti titill sem hægt er að vinna á íslenskum hesti. Alla knapa dreymir um að ná þessum titli sem og öllum ræktendum að hestur þeirra standi efstur alhliða gæðinga á Landsmóti.

Meteinkunn inn á Landsmót

Efstur á stöðulista í A flokki inn á mótið er Frontur frá Finnastöðum og knapi hans Jóhanna Margrét Snorradóttir. Þau keppa fyrir hestamannafélagið Mána og hlutu 9,02 í einkunn sem er ein hæsta einkunn sem gefin hefur verið í forkeppni í A flokki. Frontur er 10 vetra undan Skaganum frá Skipaskaga og Heklu frá Efri-Rauðalæk.

Á eftir honum kemur Leynir frá Garðshorni á Þelamörk, knapi Þorgeir Ólafsson, en Leynir keppir fyrir hestamannafélagið Jökul. Leynir endaði í öðru sæti í A flokki á síðasta Landsmóti. Þriðja í röðinni er Aþena frá Þjóðsólfshaga 1, knapi Teitur Árnason, en þau keppa fyrir hestamannafélagið Geysi.

Fyrrum Landsmótssigurvegari ekki með

Næst í röðinni koma þeir Lazarus frá Ásmundarstöðum 3 og Seðill frá Árbær en mæta þeir hvorugir á mótið. Knapi á þessum hestum var Árni Björn Pálsson, sem vann A flokkinn á síðasta Landsmóti á Álfamær frá Prestsbæ.

Lazarus og Árni Björn urðu Íslandsmeistarar í fimmgangi á ný afstöðnu Íslandsmóti og er Lazarus á leið í girðingu að sinna hryssum. Seðill mun ekki mæta mótið þar sem hann er að glíma við meiðsli og er kominn í frí frá þjálfun.

Landsmót 2026 í beinni á EiðfaxaTV

Landsmót hestamanna verður sýnt í beinni útsendingu á EiðfaxaTV. Með því að velja ársáskrift að EiðfaxaTV slá áskrifendur tvær flugur í einu höggi: Þeir fá tæpa 4 mánuði frítt, miðað við mánaðaráskrift, og fá aðgang að Landsmóti hestamanna innifalið í pakkanum. Vert er að vekja athygli á því að Landsmótið verður ekki innifalið í hefðbundinni mánaðaráskrift og því mikill fjárhagslegur ávinningur fólgin í því að næla sér í ársmiðann strax.

Stöðulisti í A flokki gæðinga

Hér fyrir neðan er stöðulistinn í A flokki gæðinga, 30 efstu hestar.