Lára og Álfur efst í fjórgangi ungmenna

7. ágúst 2026
Uncategorized @is

Fjórir íslenskir keppendur tóku þátt í fjórgangi ungmenna

Forkeppni í fjórgangi ungmenna á Norðurlandamótinu fór fram nú eftir hádegi. Fjórir íslenskir keppendur tóku þátt í þeirri forkeppni en það voru þær Eva Kærnested, Elva Rún Jónsdóttir, Guðný Dís Jónsdóttir og Hekla Rán Hannesdóttir.

Eva Kærnested á Loga frá Lerkiholti hlaut 6,87 í einkunn og er í 2.sæti og því með öruggt sæti í A-úrslitum. Elva Rún keppti á Kvasi frá Steinnesi og hlaut 6,70 í einkunn og 9.sætið hún keppir því til B-úrslita. Guðný Dís og Laki från Adelgården hlutu 5,67 og Hekla Rán og Tindur frá Árdal hlutu ekki einkunn þar sem hann missti skeifu í stökksýningu.

Efst að lokinni forkeppni er Lára Gardarsdottir Hesselmann á Álfi från Knutshyttan með 6,90 í einkunn en hún keppir fyrir hönd Svíþjóðar.

Ungmennaflokkur
Forkeppni
Sæti	Knapi	Hross	Einkunn
1	Lára Gardarsdottir Hesselman	Álfur från Knutshyttan	6,90
2	Eva Kærnested	Logi frá Lerkiholti	6,87
3-4	Óskar Erik Kristjánsson	Kjarkur frá Vorsabæ II	6,83
3-4	Tekla Petersson	Óríon frá Lækjamóti	6,83
5	Saga Berggren	Kolfinnur från Margaretehof	6,77
6-7	Paloma Eklund Andersson	Tangó från Zimsen	6,77
6-7	Pernille Hansen-Christiansen	Bakkus fra Grundet Hus	6,77
8	Amanda Frandsen	Tinna frá Litlalandi	6,73
9	Elva Rún Jónsdóttir	Kvasir frá Steinnesi	6,70
10	Gabriella Stenfeldt Johansen	Dans frá Álfhólum	6,57
11	Julie Thorsbye Andersen	Aron frá Þóreyjarnúpi	6,50
12	Molly Eriksson	Erró frá Ármóti	6,47
13	Silja Stefansdottir	Magni fra Kvalen	6,23
14	Guðný Dís Jónsdóttir	Laki från Adalgården	5,67
15	Thea Oxaas-Egge	Dans fra Sigersberg	5,37
16	Hekla Rán Hannesdóttir	Tindur frá Árdal	0,00