Hraði sigurvegari A-flokks á Norðurlandamóti

A-úrslitum í A-flokki gæðinga var að ljúka rétt í þessu á Norðurlandamóti. Leiðinlegt atvik setti strik í reikninginn í A-úrslitum því eftir að fyrri skeiðspretti var lokið féll stór skjár við völlinn niður á nærstadda áhorfendur en samkvæmt heimildum Eiðfaxa urðu ekki alvarleg slys á fólki.

Ísland átti einn fulltrúa í þessum úrslitum, Gorm frá Villanora, sem sýndur var af Þórði Þorgeirssyni og áttu þeir titil að verja. Þeim tókst þó ekki að ná aftur í titilinn og urðu í 2.sæti með 8.66 í einkunn, engu að síður góður árangur hjá þeim. Sigurvegari A-úrslitanna er Hraði fra Skovhuset sem var einnig sigurvegari B-úrslita í gær, knapi á honum er Laura Midtgård sem keppir fyrir Danmörk. Í þriðja sæti varð svo Týr från Svala Gård og Louise Löfgren sem keppa fyrir hönd Svíþjóðar.