Anna Kristín íþróttamaður Hrings

Anna Kristín Friðriksdóttir var kjörinn íþróttamaður Hrings 2011 á árlegum haustfundi félagsins í gær. Anna Kristín hefur látið mikið að sér kveða á keppnisbrautinni í ár, tók þátt í 33 mótum á árinu með góðum árangri. 

Viðtal við hin fræknu hestakonu má nálgast hér.

Sveinbjörn Hjörleifsson var kjörinn knapi ársins hjá félaginu, en Sveinbjörn hefur sinnt yngstu kynslóðinni með reiðskólakennslu og annari þjálfun og verið duglegur í kringum keppnisvöllinn hvort heldur sem þátttakandi, starfsmaður eða aðstoðarmaður annara knapa.

Dugnaðarbikar æskulýðsnefndar hlaut Amalía Nanna Júlíusdóttir og hvatningarverðlaun félagsins hlaut Þorri Mar Þórisson.