Frábær kynning
Alþjóðahestasamtökin FEI eru regnhlífarsamtök hestamanna og ná yfir mýmörg hestakyn um allan heim. Samtökin halda úti sjónvarpsstöð á netinu en áskrifendur á rásina eru yfir hundrað þúsund.
Það er því frábær kynning að fá umfjöllun fyrir hesta á þessari rás en sjónvarpsstöðin var hér á landi í kringum Landsmót í fyrra og gerði þátt um íslenska hestinn sem er í tveimur hlutum. Hesturinn okkar er kynntur fyrir áhorfendum og uppruni kynsins rakinn. Farið er yfir það helsta sem að hestinum snýr. Í fyrri hlutanum er rætt við Jelenu Ohm forsvarsmann átaksverkefnisins Horses of Iceland og Sigurbjörn Bárðarsson, en í seinni hluta þáttarins er rætt við Gunnar Sturluson forseta FEIF og Guðmar Þór Pétursson hestaferðabónda.
Þetta eru áhugaverðir þættir sem gaman er á sjá, en þetta er góð kynning fyrir hestinn okkar.
Slóðin á þættina má finna hér:
Styttu haustið með EiðfaxaTV