Fyrirlestur um fóðrun og kynning á dagskrá vetrarins hjá Sörla

Miðvikudagskvöldið 8.janúar klukkan 20:00 mun fara fram fyrirlestur um fóðrun hesta að Sörlastöðum í Hafnarfirði. Það er hestamannafélagið Sörli sem stendur að viðburðinum.

Fyrirlesari er Einar Ásgeirsson en hann er menntaður fóðurfræðingur og starfar hjá Fóðurblöndunni. Hann mun leggja áherslu á fóðrun reiðhesta og mismunandi fóðurþarfir hrossa.

Við sama tilefni verður kynning á vetrardagskrá Hestamannafélagsins Sörla þar sem farið verður yfir helstu viðburði, námskeið o.fl sem verður í boði í vetur.

Aðgangur er ókeypis og allir velkomnir.