Veislan hélt áfram í dag á Íslandsmóti barna og unglinga

Þá er keppni lokið þennan daginn á Íslandsmóti barna og unglinga en dagurinn byrjaði á keppni í gæðingaskeiði unglinga og það var Kristján Árni Birgisson sem stóð uppi sem sigurvegari í þeirri grein með töluverða yfirburði en einkunn hans var 7,13 og hann sat hryssuna Máney frá Kanastöðum.

Eftir það tóku við B-úrslit í hinum ýmsu greinum bæði í barna og unglingaflokki og gáfu þau úrslit góð fyrirheit fyrir morgundaginn þegar úrslitadagur fer fram og Íslandsmeistarar verða krýndir í hringvallargreinum.

Keppnisdagurinn í dag endaði svo á keppni í 100 metra skeiði. Signý Sól Snorradóttir fór hraðast á skeiði á Andra frá Lynghaga og er því Íslandsmeistari unglinga í þeirri grein. Eiðfaxi mun áfram fylgjast með því sem fram fer á Íslandsmóti barna og unglinga á morgun.

Nú er kvöldvaka þar sem Ingó Veðurguð skemmtir mótsgestum og þá bauð Stjórn Meistaradeildarinnar öllum keppendum á Íslandsmóti barna og unglinga í grillveislu í reiðhöll Sleipnis.

Lokakvöld Meistaradeildarinnar er svo framundan í kvöld hér á Brávöllum á Selfossi og hefst keppni í tölti klukkan 19:00

Sunnudagur – Dagskrá

10:00-10:30 A-úrslit V1 unglinga
10:30-11:00 A-úrslit V2 barna
11:00-11:30 A-úrslit F1 unglinga
11:30-12:30 Matur
12:30-12:40 Stigahæstu knapar barna og unglinga verðlaunaðir
12:40-13:00 A-úrslit T4 barna
13:00-13:30 A-úrslit T4 unglinga
13:30-14:00 A-úrslit T3 barna
14:00-14:30 A-úrslit T1 unglinga
14:30 Mótslok

Niðurstöður dagsins