Blær frá Miðsitju skiptir um eigenda

Hinn þekkti stóðhestur Blær frá Miðsitju skiptir um eigendur en það er Line K. Jeppesen sem er nú kominn með hann í sína umsjá en hún er búsett í Danmörku.

Blær er fimmtán vetra gamall undan Arði frá Brautarholti og Björk frá Hólum. Í sínum hæsta kynbótadómi hlaut hann 8,29 fyrir sköpulag, 8,87 fyrir hæfileika og í aðaleinkunn 8,64. Þar bar hæst 9,5 fyrir brokk,skeið og vilja og geðslag.

Samkvæmt heimildum Eiðfaxa að þá á að nýta hann til ræktunar og sem lúxus reiðhest. Line er einnig eigandi Ísaks frá Kirkjubæ og þá verður hún með Álfastein frá Selfossi til notkunar næsta sumar.