Úrslitin ráðast á morgun

Lokamót Meistaradeildar í hestaíþróttum verður á morgun, föstudaginn 10.apríl. Mótið byrjar kl. 18:30 á slaktaumatölti en keppt verður einnig í flugskeiði. Spennandi verður að sjá hver verður Meistari árins 2015. Árni Björn leiðir einstaklingskeppnina fyrir lokamótið með 48 stig en á eftir honum er Ísólfur Líndal með 32 stig og þriðji er Sigurbjörn með 28,5 stig.

Sigurbjörn sigraði slaktaumatöltið í fyrra á Jarli frá Mið-Fossum og ætla þeir félagar að mæta aftur til leiks. Bergur Jónsson var annar í fyrra á Frama frá Ketilsstöðum og eru þeir einnig skráðir sem og Reynir Örn og Greifi en þeir urðu í þriðja sæti í fyrra. Reynir og Greifi eru einnig ríkjandi Íslandsmeistarar í slaktaumatölti og hafa þeir félagar alltaf verið sterkir í þeirri grein. Greifi er þó ekki eini Íslandsmeistarinn sem mætir en John K. Sigurjónsson er skráður á Íslandsmeistaranum í unglingaflokki, Straum frá Sörlatungu og Ólafur Ásgeirsson á Íslandsmeistaranum í ungmennaflokki, Skorra frá Skriðulandi.

Guðmar Þór Pétursson sigraði flugskeiðið í fyrra á Viljari frá Skjólbrekku. Þeir mæta aftur til leiks en þó með smá breytingum. Guðmar verður á öðrum hesti og Viljar með annan knapa. Ísólfur Líndal Þórisson mætir á Viljari og ætlar sér eflaust sigur í skeiðinu. Bjarni Bjarnason og Hera hafa alltaf verið sterk í flugskeiðinu og eru þau skráð en þau voru í öðru sæti í fyrra.

Liðakeppnin er mjög jöfn og getur hún farið hvernig sem er. Top Reiter/Sólning nældu sér í toppsætið á skeiðmótinu þar síðust helgi og er nú með 260 stig. Auðsholtshjáleiga er í öðru sæti með 247,5 stig og þar rétt á eftir er lið Lýsi/Oddhóls/Þjóðólfshaga með 245,5 stig. Hægt er að sjá nánar um stöðuna hér.

Húsið opnar 17:00 en Fákasel býður upp á hlaðborð fyrir mótið eins og venjulega. Við hvetjum alla til að mæta snemma og gæða sér á kræsingunum.

Ráslistar:

Slaktaumatölt

1    Þórdís Erla Gunnarsdóttir    Terna frá Auðsholtshjáleigu
2    Guðmundur Björgvins    Nös frá Leirubakka
3    Sigurður Vignir Matthíasson    Tyrfingur frá Miðhjáleigu
4    Lena Zielinski    Melkorka frá Hárlaugsstöðum 2
5    Guðmar Þór Pétursson    Nóta frá Grímsstöðum
6    Hinrik Bragason    Stimpill frá Vatni
7    Viðar Ingólfsson    Hlekkur frá Bjarnarnesi
8    Helga Una Björnsdóttir    Vág frá Höfðabakka
9    Ísólfur Líndal Þórisson    Gulltoppur frá Þjóðólfshaga 1
10    Sigurður Sigurðarson    Freyþór frá Ásbrú
11    Reynir Örn Pálmasson    Greifi frá Holtsmúli 1
12    Árni Björn Pálsson     Skíma frá Kvistum
13    Hulda Gústafsdóttir    Kiljan frá Holtsmúla 1
14    Olil Amble    Simbi frá Ketilsstöðum
15    Ólafur Ásgeirsson    Skorri frá Skriðulandi
16    Aðalheiður Anna Guðjónsdóttir    Baldvin frá Stangarholti
17    Jakob S Sigurðsson    Gloría frá Skúfslæk
18    Bergur Jónsson    Frami frá Ketilsstöðum
19    Ragnar Tómasson    Von frá Vindási
20    Eyrún Ýr Pálsdóttir    Vordís frá Jaðri
21    Sigurbjörn Bárðarson     Jarl frá Mið-Fossum
22    Sylvía Sigurbjörnsdóttir    Ljúfur frá Torfunesi
23    John Kristinn Sigurjónsson    Straumur frá Sörlatungu
24    Daníel Jónsson    Ymur frá Reynisvatni

Flugskeið

Helga Una Björnsdóttir    Besti frá Upphafi
Guðmar Þór Pétursson    Gutti frá Hvammi
Jakob S Sigurðsson    Von frá Sturlureykjum 2
Edda Rún Ragnarsdóttir    Léttir frá Eiríksstöðum
Bjarni Bjarnason    Hera frá Þóroddsstöðum
Davíð Jónsson    Irpa frá Borgarnesi
Þórdís Erla Gunnarsdóttir    Lilja frá Dalbæ
Aðalheiður Anna Guðjónsdóttir    Ása frá Fremri-Gufudal
Guðmundur Björgvins    Gjálp frá Ytra-Dalsgerði
Þórarinn Ragnarsson    Funi frá Hofi
Sigurður Vignir Matthíasson    Ormur frá Framnesi
Elvar Þormarsson    Undrun frá Velli II
Daníel Jónsson    Flugnir frá Ketilsstöðum
Gústaf Ásgeir Hinriksson    Andri frá Lynghaga
Teitur Árnason    Jökull frá Efri-Rauðalæk
Sigurður Sigurðarson    Drift frá Hafsteinsstöðum
Ísólfur Líndal Þórisson    Viljar frá Skjólbrekku
Bergur Jónsson    Sædís frá Ketilsstöðum
Ragnar Tómasson    Isabel frá Forsæti
Ólafur Ásgeirsson    Tinna Svört frá Glæsibæ
Olil Amble    Minning frá Ketilsstöðum
Hinrik Bragason    Gnótt frá Hrygg
Árni Björn Pálsson     Fróði frá Laugabóli
Sigurbjörn Bárðarson     Flosi frá Keldudal