Góðir tímar náðust á fyrstu Skeiðleikum

Fyrstu Skeiðleikar Baldvins og Þorvaldar og Skeiðfélagsins fóru fram í kvöld á Brávöllum á Selfossi og marka þeir upphaf alþjóðlegs íþróttamóts sem framundan er þar næstu daga.

Vindur stóð af suðri og blés heldur köldu lofti og þurru, enda skuggsýnt á suðurlandi í dag vegna sandfoks. Þrátt fyrir það náðust góðir tímar í öllum skeiðgreinum. Eftirtektarvert var í kvöld hversu margir ungir og óreyndir hestar tóku þátt í 100 metra skeiði sem er frábært og til marks um þá grósku sem er í skeiðkeppni.

Í 250 metra skeiði var það Krókus frá Dalbæ setinn af Sigursteini Sumarliðasyni sem bestum tíma náði, 21,70 sekúndum, skammt undan var Kjarkur frá Árbæjarhjáleigu II og Konráð Valur Sveinsson á tímanum 22,00 sekúndum. Það er öllum ljóst að þessir kappar munu berjast um sigur í þessari hlaupagrein á komandi sumri. Heimsmetið í greininni er 21,15 og ef þeir hitta á réttar aðstæður er ekki ólíklegt að það falli í náinni framtíð.

Eyrún Ýr Pálsdóttir og Sigurrós frá Gauksmýri áttu besta tíman í 150 metra skeiði og það þrælgóðan, fóru brautina á 14,64 sekúndum. Glæsilegur árangur hjá Eyrúni og Sigurrósu sem einnig urðu í 2.sæti í 100 metra skeiði. Önnur í þessari grein varð Þórdís Erla Gunnarsdóttir á Óskadís frá Fitjum á 14,67.

Eyrún Ýr og Þórdís Erla urðu í fyrsta og öðru sæti í 150 metra skeiði.

Viðar Ingólfsson vann svo keppni í 100 metra skeiði á Ópal frá Miðási á tímanum 7,71 sekúndu. Eins og áður segir varð Eyrún Önnu og Ingibergur Árnason varð þriðji sekúndubroti hægar en Eyrún en hann og Sólveig frá Kirkjubæ fóru á 7,92.

Verðlaunahafar í 100 metra skeiði