868 fullnaðardómar fallnir það sem af er ári

Alls hafa 868 fullnaðardómar fallið hér á landi það sem af er kynbótaárinu en síðsumarssýninar fara fram á Hellu, Hólum og Hafnarfirði 16.-20. ágúst. Búast  má við því að nokkur hundruð dómar bætist við á þeim en skráningu lýkur föstudaginn 6.ágúst.

Árið 2020 féllu alls 1222 fullnaðardómar og árið 2019, 1031 fullnaðardómur, reikna má með því að við lok síðsumarssýninga verði mætingin í ár mjög svipuð því sem verið hefur. Meðaltal aðaleinkunnar þessara 868 fullnaðardóma er 8,00.

Með hæstan dóm í ár er Katla frá Hemlu II með 8,77 í aðaleinkunn. Pensill frá Hvolsvelli hefur hlotið hæst fyrir sköpulag í ár 8,98 og hæstan hæfileikadóm hlaut Frigg frá Hólshúsum 8,89. Þegar skoðað er hvaða hross hefur hlotið hæstan hæfileikadóm án skeiðs er það Happadís frá Strandarhöfði með 9,26.