Skeiðleikar fóru fram síðasta miðvikudagskvöld

Fjórðu Skeiðleikar Baldvins og Þorvaldar og Skeiðfélagsins þetta árið fóru fram síðastliðið miðvikudagskvöld. Síðustu Skeiðleikar ársins fara svo fram á Gaddstaðaflötum við Hellu samhliða Suðurlandsmóti sem er alþjóðlegt (WR).

Í 250 metra skeiði var það Sigursteinn Sumarliðason á Krókusi sem náði besta tímanum og það þrælgóðum, 22,21 sekúnda. Konráð Valur Sveinsson og Kjarkur fóru á tímanum 22,63 sekúndur og urðu í öðru sæti og í því þriðja varð Ingibergur Árnason á Sólveigu á tímanum 23,01.

Hans Þór Hilmarsson og Vorsól voru fljótust 150 metrana á 14,43 sekúndum í öðru sæti varð Þórarinn Ragnarsson og Bína á 14,57 og í því þriðja Eyrún Ýr Pálsdóttir og Sigurrós.

100 metra fljúgandi skeið var síðasta keppnisgrein kvöldsins og þar var það Ingibergur Árnason sem fór með sigur á Sólveigu á 7,68 sekúndum. Konráð Valur og Kjarkur urðu í öðru sæti á 7,80 sekúndum og Teitur Árnason og Drottning fóru á 7,82 sekúndum.a