Afkvæmi hvaða stóðhesta eru að fá hæst fyrir vilja?

15. desember 2021
Fréttir

Meðaleinkunnir afkvæma stóðhesta sem eiga 10 eða fleiri dæmd afkvæmi á árinu

Þegar öllum kynbótasýningum er lokið er hægt, með hjálp Worldfengs, að setjast niður og reikna út hin ýmsu meðaltöl hrossaræktendum til gagns og fróðleiks.

Eiðfaxi birti í fyrra lista yfir stóðhesta, með ákveðinn fjölda afkvæma, og hverjir af þeim væru að skila hæstu einkunnum fyrir ákveðna eiginleika í sköpulagi og hæfileikadómi. Eiðfaxi ætlar að gera það sama í ár og byrja á því að skoða meðaltal einkunna afkvæma sem komu til fullnaðardóms á árinu fyrir samstarfsvilja

Alls eru 29 stóðhestar sem eiga 10 eða fleiri dæmd afkvæmi á árinu.

Loki frá Selfossi er sá stóðhestur sem skilaði þeim afkvæmum sem hæsta einkunn hlutu fyrir samstarfsvilja. Meðaleinkunn þeirra er 8,61 en hann á alls 18 sýnd afkvæmi á árinu og meðalaldur þeirra er 6,8 ár.

Á eftir honum koma þeir jafnir Hringur frá Gunnarsstöðum og Sjóður frá Kirkjubæ en meðaleinkunn afkvæma þeirra fyrir samstarfsvilja er 8,58. Sjóður á 20 sýnd afkvæmi á árinu en meðalaldur þeirra er 6,3 ár og Hringur á 12 sýnd afkvæmi á árinu og meðalaldur þeirra er 4,8 ár.

Hér er listi yfir alla þá stóðhesta sem eiga 10 eða fleiri fullnaðardæmd afkvæmi á árinu raðað eftir meðaleinkunn fyrir samstarfsvilja.

Nafn	Fjöldi afkvæma	Meðalaldur	Samstarfsvilji
Loki frá Selfossi	18	6,8	8,61
Hringur frá Gunnarsstöðum	12	4,8	8,58
Sjóður frá Kirkjubæ	20	6,3	8,58
Trymbill frá Stóra-Ási	16	5,9	8,53
Óskasteinn frá Íbishóli	16	6,6	8,53
Skýr frá Skálakoti	37	5,3	8,51
Spuni frá Vesturkoti	37	6,8	8,50
Jarl frá Árbæjarhjáleigu	13	6,5	8,50
Hreyfill frá Vorsabæ	11	5,5	8,45
Krákur frá Blesastöðum 1A	10	8,4	8,45
Arion frá Eystra-Fróðholti	29	5,8	8,45
Konsert frá Hofi	51	5,1	8,43
Kiljan frá Steinnesi	14	6,8	8,43
Eldur frá Torfunesi	11	6,3	8,41
Ölnir frá Akranesi	34	5,4	8,38
Stáli frá Kjarri	35	6,7	8,37
Hrannar frá Flugumýri II	30	5,6	8,37
Álfarinn frá Syðri-Gegnishólum	10	5,6	8,35
Viti frá Kagaðarhóli	13	5,7	8,35
Ómur frá Kvistum	33	6,4	8,33
Herkúles frá Ragnheiðarstöðum	14	5,9	8,32
Skaginn frá Skipaskaga	10	4,9	8,30
Hróður frá Refsstöðum	10	6,2	8,30
Draupnir frá Stuðlum	11	4,3	8,23
Álfur frá Selfossi	27	7,2	8,20
Arður frá Brautarholti	10	6,6	8,20
Álfasteinn frá Selfossi	15	7,1	8,20
Hnokki frá Fellskoti	23	5,5	8,20
Herjólfur frá Ragnheiðarstöðum	11	5,3	8,14