Barátta um kommurnar

Í flokki fimm vetra stóðhesta eiga bræðurnir Ómur og Oliver frá Kvistum tvo fulltrúa hvor um sig. Fimm vetra flokkurinn var svipaður af stærð og elsti flokkur stóðhesta en alls voru sýndir 166 hestar í þessum flokki sem er tæplega þriðjungur sýndra stóðhesta í ár. Efstu hestarnir eru allir Íslandsfæddir fyrir utan einn, Rösk fra Skjød, sem kemur frá Danmörku. Efstur fimm vetra stóðhesta er Andvari frá Auðsholtshjáleigu en hann varð heimsmeistari í Herning í sumar. Sýnandi Andvara var Árni Björn Pálsson en Andvari hlaut fyrir hæfileika 8,52 og fyrir sköpulag 8,74.  

Jafnir í öðru og þriðja sæti eru þeir Starri frá Herríðarhóli og Atlas frá Hvoli en einungis komma skilur þá að frá fyrsta sætinu. Starri er staðsettur í Þýskalandi en Daníel Jónsson sýndi hann og hlaut Starri fyrir hæfileika 8,88 og fyrir sköpulag 8,18. Fyrir tölt, fegurð í reið og skeið hlaut hann 9,0 og fyrir vilja og geðslag hlaut hann 9,5. Atlas frá Hvoli er staðsettur í Svíþjóð en það var Vignir Jónasson sem sýndi hann. Atlas hlaut 9,0 fyrir brokk, skeið, stökk, fegurð í reið og vilja og geðslag.

5 vetra stóðhestar

8.61      Andvari frá Auðsholtshjáleigu        Gári Auðsholtshjáleigu     Fold Auðsholtshjáleigu    Ísland
8.60      Starri frá Herríðarhóli        Ágústínu Melaleiti           Hylling Herríðarhóli         Ísland
8.60      Atlas frá Hvoli    Seiður Flugumýri II         Hryðja Hvoli      Ísland
8.58      Roði frá Lyngholti           Ómur Kvistum    Glóð Kálfholti     Ísland
8.55      Logi frá Oddsstöðum I      Oliver Kvistum   Brák Oddsstöðum I          Ísland
8.44      Völsungur frá Skeiðvöllum            Ómur Kvistum    Vaka Arnarhóli    Ísland
8.42      Ferill frá Búðarhóli          Ómur Kvistum    Embla Búðarhóli             Ísland
8.42      Hlekkur frá Ytra-Vallholti            Arnoddur Auðsholtshjáleigu          Gnótt Ytra-Vallholti         Ísland
8.40      Röskur fra Skjød Tjörvi Sunnuhvoli           Rakel Skíðbakka I           Danmörk
8.39      Vegur frá Kagaðarhóli       Seiður Flugumýri II         Ópera Dvergsstöðum        Ísland
8.39      Hildingur frá Bergi           Uggi Bergi         Hilda Bjarnarhöfn            Ísland