Keppendalisti og stöðulistar
Biðjum við alla forráðamenn og knapa að fylgjast vel með fréttaflutningi og tilkynningum á www.landsmot.is
Gæðingakeppni:
Nú er búið að leggja lokahönd á keppendalista frá öllum hestamannafélögum í öllum flokkum ásamt þeim 6 hestum í hverjum flokki sem komast inn í gæðingkeppnisgreinunum á Landsmóti 2022.
Ef afskráningar verða á hestum/knöpum hér eftir munu einungis vara hestar hvers félags koma inn í staðinn fyrir þann fulltrúa félagsins sem afskráir og getur því varahestur ekki valið uppá hvora hönd hann vill ríða.
Verði afskráning á hestum/knöpum af 6 hesta stöðulista mun enginn hestur koma inn í staðinn.
Íþróttakeppni:
Nú er búið að leggja lokahönd á lista yfir þá knapa og hesta sem öðluðust þátttökurétta á LM 2022.
Ef afskráningar verða munu ekki næstu hestar koma inn af stöðulista.
Æfingartímaplan á keppnisvelli fyrir hestamannafélögin mun verða birt fljótlega.
Nánari útlistun á heilbrigðisskoðuninni“ Klár í keppni “ mun birtast á www.landsmot.is og öðrum netmiðlum fljótlega.
Ráslistar munu verða birtir þriðjudaginn 28.júní.
Dagskrá mun verða birt á þriðjudaginn 28.júní.
Allar afskráningar og breytingar fara eingöngu fram á tölvupósti á netfanginu skraning@landsmot.is
Knapafundur fer fram sunnudaginn 3.júlí kl 11:00 í Rangárhöllinni. Gott væri að fá spurningar sem forráðamenn og knapar hafa nú þegar sendar til mótstjóra á netfangið motstjori@landsmot.is sem fyrst þannig að knapafundur verði skilvirkur. Að sjálfssögðu má líka bera upp spurningar á knapafundinum.
Allar upplýsingar eru birtar með fyrirvara um mannleg mistök
Ólafur Þórisson
Mótstjóri