Reykjavíkurmeistaramót Fáks WR 12. – 18. júní

Hið árlega, sterka hestaíþróttamót, Reykjavíkurmeistaramót Fáks fer fram í Víðidalnum dagana 12. – 18. júní næstkomandi. Mótið verður World Ranking mót, sem þýðir að árangur keppenda í WR greinum, telur inná heimslista, en einnig verður mótið eitt af úrtökumótum LH fyrir HM í Hollandi í ágúst.

Að venju verður mótið hið glæsilegasta. Margir flokkar og ýmsar greinar í boði. Allar nánari upplýsingar um keppnisgreinar og önnur lög og reglur má finna á vef LH. Það er ávallt á ábyrgð knapa að kynna sér nýjustu reglur sem í gildi eru hverju sinni.

Athugið að náist ekki lágmarksþátttaka í grein, fellur hún niður. B-úrslit eru haldin í greinum þar sem keppendafjöldi er 25 eða fleiri. Ef ekki eru B-úrslit í grein mæta 6 í A-úrslit.

Skráning þátttakenda verður opin til og með 5. júní. Skráning og greiðsla þátttökugjalda fer alfarið fram í gegnum skráningarkerfi Sportfengs. Skráning er talin gild þegar greiðsla hefur borist.

Framkvæmdanefnd Reykjavíkurmeistaramóts.