Opið fyrir umsóknir í Vesturlandsdeildina

Aðalfundur Vesturlandsdeildarinnar í hestaíþróttum verður haldinn 22. október og verða þar lagðar línur fyrir veturinn.

„Fyrir liggur að hægt verður að bæta við amk. tveimur liðum. Er því auglýst eftir áhugasömum sem vilja stilla upp liði og taka þátt í deildinni.“

Keppt er í fimm greinum (V1, T2, F1, T1 og skeið í gegn) á fjórum þriðjudagskvöldum og er keppt í Faxaborg. Stigahæsta lið er verðlaunað eftir hverja keppni en svo í lokin stendur eitt lið uppi sem samanlagður sigurvegari og einn knapi sem stigahæsti knapinn.

Áhugasamir eru beðnir um að hafa samband við einhvern stjórnarmanna deildarinnar eða senda póst á [email protected].