Opið WR Íþróttamót Geysis hefst á fimmtudaginn

Gríðarleg aðsókn er á WR Íþróttamót Geysis en á sjötta hundrað skráningar eru á mótið. Vegna þessarar gríðarlegu aðsóknar hefst mótið kl. 10 á fimmtudagsmorgun og stendur til loka dags á mánudag.

Við erum verulega spennt fyrir komandi dögum og eru aðstæður á Rangárbökkum eins og best verður á kosið.

Sett hefur verið upp dagskrá með fyrirvara um mannleg mistök og eru ráslistar aðgengilegir í Kappa appinu.

Við biðjum knapa að fylgjast vel með í LH Kappa appinu sem og í viðburðinum á Facebook.

Afskráningar, breytingar og aðrar upplýsingar varðandi skráningar berast til Sóleyjar í síma 8677460 eða á skraninggeysir@gmail.com