Markus Albrecht Schoch og Kóngur frá Lækjamóti efstir

Það styttist í Heimsmeistaramótið í Hollandi í ágúst en nú eru 6 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum og bestu tímunum í hverri grein. WR listinn er byggður á þremur hæstu einkunnunum/bestu tímum sem knapi og hestur hafa náð sér í á WR mótum síðustu tvö ár.

Efstir á WR listanum í 100 m. skeiði er Marcus Albrecht Schoch og Kóngur frá Lækjamóti með meðal tímann 7,27 sek. Markus og Kóngur keppa fyrir Sviss. Þriðji á listanum er Hans Þór Hilmarsson og Jarl frá Þóroddsstöðum en þeir eru efstir á árslistanum en besti tími þeirra í ár er 7,33 sek. Teitur Árnason og Drottning frá Hömrum III eru þriðju á árslistanum enn með besta tímann ársins á árslistanum eða 7,19 sek. Daníel Gunnarsson og Eining frá Einhamri munu einnig keppa fyrir Ísland í greininni.

Það er gaman að sjá að á WR listanum er Sigríður Ingibjörg Einarsdóttir og Ylfa frá Miðengi í 12 sæti en þau keppa í greininni sem ungmenni. Þau eru í 5 sæti á árslistanum en besti tími þeirra er 7,34 sek.

Það verður hörkuspennandi að fylgjast með skeiðinu á Heimsmeistaramótinu en við ættum að vera nokkuð sterk á þeim vængnum.

WR listi FEIF í 100 m. skeiði