Níu hross með 9,5 fyrir fegurð í reið

Nú þegar kynbótasýningum árið 2023 er lokið þá er gaman að renna yfir níufimmur og tíur ársins í einstökum eiginleikum. Næsti eiginleiki sem við tökum fyrir hér á vef Eiðfaxa er fegurð í reið.

Ekkert hross hefur hlotið 10 fyrir fegurð í reið og það var engin undantekning á því í ár. Hins vegar hlutu níu hross 9,5 fyrir fegurð í reið. Til gamans má geta að sautján hross hlutu þá einkunn í fyrra.

Af þessum níu hrossum sem hlutu 9,5 fyrir fegurð í reið í ár er aðeins eitt sýnt með skeiði og það er hún Náttdís vom Kronshof sem hlaut þá einkunn á Heimsmeistaramótinu í Hollandi en hún var sýnd í flokki 7 vetra og eldri hryssna og hlaut hæstu hæfileikaeinkunn mótsins, 8,92.

Listi með þeim hrossum sem hlutu 9,5 fyrir fegurð í reið.