Djákni hæst dæmdur á Axevalla

Síðasta kynbótasýning ársins í Svíþjóð fór fram um helgina á Axevalla, dómarar voru þeir Þorvaldur Kristjánsson, Gísli Guðjónsson og William Flugge. Sýningin var tekin upp og verður aðgengileg á streymisveitu EiðfaxaTV. Alls voru þau 66 talsins hrossin sem til dóms mættu og þar af 57 í fullnaðardóm, 11 þeirra fengu yfir 8,00 í aðaleinkunn og 1.verðlaun.

Hæst dæmdi stóðhestur sýningarinnar var Djákni frá Skipaskaga sem sýndur var af Erlingi Erlingssyni. Hann er 11.vetra gamall undan Konsert frá Hofi og Visku frá Skipaskaga sköpulagseinkunn hans er 8,60 með m.a. 10 fyrir prúðleika og 9,0 fyrir hófa og baka og lend. Fyrir hæfileika hlaut hann 8,30 þar á meðal 9,0 fyrir fegurð í reið og 8,5 fyrir tölt, brokk, greitt stökk, samstarfsvilja og hægt tölt. Aðaleinkunn hans er 8,41. Ræktendur Djákna eru Jón Árnason og Sigurveig Stefánsdóttir en eigandi er Rickebasta Islandshästar.