Eiðfaxi Vor í prentvélunum

Nú er í prentun næsta tímarit Eiðfaxa er heitir Eiðfaxi Vor og er það stútfullt af efni, tilvalið fyrir hestamanninn að taka eintak með sér í ferðalagið. Tímaritið fer í dreifingu til áskrifenda Eiðfaxa í næstu viku.

Eiðfaxi Vor er örlítið seinna á ferðinni en upprunalegar áætlunir gerðu ráð fyrir en ástandið í heiminum undanfarnar vikur og mánuði settu strik í reikninginn hjá Eiðfaxa eins og öðrum en nú virðumst við vera á beinu brautinni og allt komið á fullt.

Á meðal efnistaka í Eiðfaxa Vor má nefna.

Samantekt um það hvað það kostar að eignast hross í 1.verðlaun í kynbótadómi þegar allt er tekið saman folatollur, uppeldi, tamningagjöld, sýningargjöld o.fl.

Albert Jónsson er hestamönnum öllum vel kunnugur og er viðamikið viðtal við hann í tímaritinu þar sem hann fer yfir lífshlaupið í hestamennskunni og segir ýmsar sögur frá liðinni tíð.

Vakri-Skjóni er á sínum stað með skemmtilegan fróðleik og viðtöl og umfjöllun fyrir yngri lesendur Eiðfaxa.

Þórður Þorgeirsson segir frá mörgum af eftirminnilegustu hrossum sem hann hefur sýnt í kynbótadómi í gegnum tíðina.

Þetta ásamt ýmsu fleiru má finna í næsta tímariti Eiðfaxa Vertu áskrifandi að Eiðfaxa og styddu við umfjöllun um íslenska hestinn og öllu því sem honum fylgir með því að smella hér.