Ellefu hross hlutu 10 fyrir prúðleika á árinu

Nú þegar kynbótasýningum árið 2022 er lokið þá er gaman að renna yfir níufimmur og tíur ársins í einstökum eiginleikum. Síðasti eiginleiki sem við tökum fyrir hér á vef Eiðfaxa er prúðleiki

Til þess að fá glögga mynd af því eftir hverju er verið að leita þegar eiginleikinn er metin er gripið niður í stigunarkvarða einstaklingadóma og lýsing á einkunninni 9,5-10 í þeim eiginleikum sem teknir eru fyrir hverju sinni.

Prúðleiki á fax og tagl

Við einkunnagjöf fyrir prúðleika er metin sídd og þykkt á ennistoppi, faxi og tagli hestsins. Almennt eru gerðar minni kröfur til hryssna en stóðhesta. Sá dómaleiðari sem á eftir kemur miðast við stóðhesta en hryssur fá almennt hálfum hærra fyrir sambærilegan prúðleika.

9,5 – 10

Afar ræktarlegur prúðleiki. Góð þykkt er á ennistoppi, faxi og tagli. Ennistoppur nái vel niður fyrir augu, fax er sítt beggja vegna og taglið nær niður á kjúkur. Jafn vöxtur er á faxi frá hnakka og niður á herðar.

Alls hlutu 41 hross á árinu einkunnina 9,5 fyrir prúðleika og ellefu hlutu 10,0.

Listi yfir þau hross sem hlutu 10 fyrir prúðleika

Listi yfir þau hross sem hlutu 9.5 fyrir prúðleika