Fet skilaði flestum hrossum í fullnaðardóm á árinu
Fet er það ræktunarbú sem skilaði flestum hrossum í fullnaðardóm á árinu, 18 talsins. Fet er staðsett á Suðurlandi, rétt við Rauðalæk áður en komið er að Hellu. Á Feti hefur verið starfrækt hrossarækt í rúman aldarfjórðung en það var Brynjar Vilmundarson sem hóf ræktunina en árið 2007 tók Karl Wernersson við sem eigandi búsins. Ólafur Andri Guðmundsson og Bylgja Gauksdóttir sjá um daglegan rekstur. Í dag fæðast rúmlega 20 folöld á ári en til gamans má geta að á Feti hafa verið ræktuð rúmlega 130 fyrstu verðlauna hross. Þetta er ekki í fyrsta skipti sem fet er á toppi listans en þau sýndu einnig flest hross í fullnaðardómi árið 2020. Meðalaldur hrossanna sem voru sýnd í ár er 5,6 ár og er meðaltal aðaleinkunnar 8,01.
Á eftir Feti kemur Reykjavík með 14 sýnd hross, Rauðilækur með þrettán sýnd hross og Þúfur með 12 sýnd hross. Ef horft er á þau bú sem skiluðu fleiri en fimm hrossum í dóm á árinu er Garðshorn á Þelamörk með lægsta meðalaldurinn eða 4,5 ár en þau sýndu 6 hross í fullnaðardóm og meðaltal aðaleinkunnar er 8,22. Ræktendur á Garðshorni eru Agnar Þór Magnússon og Birna Thorlacius Tryggvadóttir. Ræktunarbúið Austurás er með hæstu aðaleinkunnina eða 8,40, meðalaldur hrossanna er 5,5 ár og fjöldi dæmdra hrossa er sex. Ræktendur í Austurási eru þau Ragnhildur Loftsdóttir og Haukur Baldvinsson.
Listi með þeim ræktunarbúum sem sýndu fleiri en 5 hross í dóm á árinu
Ræktunarbú | Fjöldi hrossa | Meðalaldur | Ae. |
Fet | 18 | 5,6 | 8,01 |
Reykjavík | 14 | 6,0 | 7,84 |
Rauðalækur | 13 | 5,8 | 8,16 |
Þúfur | 12 | 5,8 | 8,15 |
Kronshof | 11 | 5,7 | 8,24 |
Berg | 10 | 6,3 | 8,07 |
Árbæjarhjáleiga II | 10 | 6,6 | 7,99 |
Auðsholtshjáleiga | 10 | 6,5 | 7,99 |
Steinnes | 10 | 5,7 | 7,89 |
Teland | 10 | 5,7 | 7,81 |
Hólar | 9 | 6,3 | 8,14 |
Þjóðólfshagi 1 | 9 | 7,0 | 8,07 |
Fákshólar | 8 | 5,4 | 8,29 |
Prestsbær | 8 | 5,1 | 8,15 |
Hemla II | 8 | 5,6 | 8,03 |
Skíðbakki III | 8 | 5,5 | 7,88 |
Lipperthof | 8 | 5,6 | 7,86 |
Hlemmiskeið 3 | 8 | 4,9 | 7,86 |
Hjarðartún | 7 | 5,7 | 8,34 |
Flagbjarnarholt | 7 | 7,0 | 8,13 |
Margrétarhof | 7 | 4,9 | 8,11 |
Koltursey | 7 | 5,1 | 8,02 |
Ketilsstaðir | 7 | 5,7 | 8,00 |
Kjarr | 7 | 5,6 | 8,00 |
Álfhólar | 7 | 5,6 | 7,98 |
Austurkot | 7 | 5,3 | 7,85 |
Blesastaðir 1A | 7 | 6,3 | 7,67 |
Hrafnagil | 7 | 6,3 | 7,53 |
Austurás | 6 | 5,5 | 8,40 |
Garðshorn á Þelamörk | 6 | 4,5 | 8,22 |
Skipaskagi | 6 | 6,0 | 8,22 |
Efri-Fitjar | 6 | 5,8 | 8,21 |
Efsta-Sel | 6 | 6,5 | 8,07 |
Íbishóll | 6 | 5,2 | 8,00 |
Stuðlar | 6 | 4,8 | 7,99 |
Syðri-Gegnishólar | 6 | 5,5 | 7,98 |
Bergkåsa | 6 | 6,7 | 7,97 |
Leirubakki | 6 | 6,5 | 7,88 |
Selfoss | 6 | 6,8 | 7,86 |
Torfastaðir | 6 | 6,7 | 7,76 |
Áskot | 6 | 5,3 | 7,73 |
Burrishof | 6 | 8,5 | 7,72 |
Kringeland | 6 | 6,2 | 7,72 |
Miðkot | 6 | 4,7 | 7,67 |