Flott lokamót í Uppsveitadeild æskunnar

29. apríl 2012
Fréttir

Í gær fór fram lokamót í uppsveitadeild Æskunnar í reiðhöllinni á Flúðum. Keppt var í fjórgangi, fimmgangi og fljúgandi skeiði. Í barnaflokki var það Aníta Víðisdóttir á honum Skoppa frá Bjargi sem sigraði B-úrslitin og gerði sér lítið fyrir og reið sig upp í þriðja sæti í A-úrslitum. Það var svo Sigríður Magnea Kjartansdóttir frá hestamannafélaginu Loga sem stóð uppi sem sigurvegari í fjórgangi barna á Þerney frá Feti. Í unglingaflokki var keppt í fimmgang og var það Finnur Jóhannesson og Svipall frá Torfastöðum sem sigraði B-úrslitin, en þeir gerðu sé lítið fyrir og enduðu sem hástökkvarar dagsins og sigurvegar í fimmgangi unglinga. Fast á hæla hans komu svo systurnar Dóróthea og Karitas Ármann á Hruna frá Friðheimum og Agli frá Efsta-Dal II. Í skeiðinu mátti sjá glæsileg tilþrif en í fljúgandi skeiði sigraði Vilborg Rún Guðmundsdóttir á henni Lukku frá Gýgjarhóli á tímanum 3,56.
Stigakeppnin var mjög spennandi og munaði ekki miklu á efstu sætum í barnaflokki. Eva María Larsen stóð uppi sem samanlagður sigurvegari í barnaflokki, í öðru sæti var Natan Freyr Morthens og í því þriðja Sigríður Magnea Kjartansdóttir. Í unglingaflokki var ekki alveg eins mjótt á munum en þar stóð efstur Finnur Jóhannesson, þremur stigum þar á eftir Dóróthea Ármann og aðeins tveim stigum þar á eftir systir hennar Karitas Ármann.
Að lokum var veittur bikar stigahæsta félaginu í báðum flokkum eftir þessa 3 mótadaga og 6 keppnisgreinar. Það var hestamannafélagið Logi sem vann þá keppni glæsilega og verðskuldað með 318 stig, í öðru sæti var hestamannafélagið Smári með 152,5 stig og í því þriðja hestamannafélagið Trausti með 14,5 stig.
Glæsilegar krakkar þarna á ferð, frábær mótaröð að baki. Allir stóðu sig frábærlega og ljóst er að þessi Uppsveitadeild Æskunnar verður árlegur viðburður héðan í frá. Æskulýðsnefndir félaganna, Smára, Loga og Trausta standa að deildinni og ber að þakka öllum sjálfboðaliðum og þeim sem að framkvæmd mótanna kærlega fyrir, án þeirra væri þetta ekki hægt !

Meðfylgjandi eru helstu úrslit, ásamt stigasöfnun í einstaklings og liðakeppninni:

   FJÓRGANGUR BÖRN A-ÚRSLIT
1   Sigríður Magnea Kjartansdóttir   Þerney frá Feti   5,60
2   Eva María Larsen   Prins frá Fellskoti   5,50
3   Aníta Víðisdóttir   Skoppi frá Bjargi   5,20
4   Hrafndís Katla Elíasdóttir   Vindur frá Akri   5,05
5   Rósa Kristín Jóhannesdóttir   Blökk frá Friðheimum   4,75

   FJÓRGANGUR BÖRN B-ÚRSLIT
1   Aníta Víðisdóttir   Skoppi frá Bjargi   5,25
2   Ragnheiður Björk Einarsdóttir   Aragon frá Álfhólahjáleigu   5,10
3   Natan Freyr Morthens   Spónn frá Hrosshaga   4,35
4   Einar Ágúst Ingvarsson   Prins frá Fjalli 2   3,80
5   Sölvi Freyr Freydísarson   Pandra frá Minni-Borg   0,00


   FIMMGANGUR UNGLINGAR A-ÚRSLIT
1   Finnur Jóhannesson   Svipall frá Torfastöðum   6,29
2   Dorothea Ármann   Hruni frá Friðheimum   5,71
3   Karitas Ármann   Egill frá Efsta-Dal II   5,18
4-5.   Katrín Sigurgeirsdóttir   Smjörvi frá Fellskoti   5,14
4-5.   Halldór Þorbjörnsson   Jarpur frá Stóra-Klofa   5,14

   FIMMGANGUR UNGLINGAR B-ÚRSLIT
1   Finnur Jóhannesson   Svipall frá Torfastöðum   5,89
2   Marta Margeirsdóttir   Diljá frá Fornusöndum   5,29
3   Björgvin Ólafsson   Gyðja frá Hrepphólum   5,11
4   Kjartan Helgason   Þöll frá Hvammi I   4,71
5   Guðjón Hrafn Sigurðsson   Hula frá Meiri-Tungu 3   3,64


   FLJÚGANDI SKEIÐ
1   Vilborg Rún Guðmundsdóttir   Lukka frá Gýgjarhóli   3,56
2   Dorothea Ármann   Hruni frá Friðheimum   3,69
3   Finnur Jóhannesson   Geisli frá Brekku   3,72
4   Guðjón Örn Sigurðsson   Seðill frá Skollagróf   3,75
5   Karitas Ármann   Dögg frá Ketilsstöðum   3,8
6   Kjartan Helgason   Panda frá Hvammi I   4
7   Marta Margeirsdóttir   Diljá frá Fornusöndum   4,32
8   Sigríður Magnea Kjartansdóttir   Elding frá Bræðratungu   4,5
9   Katrín Sigurgeirsdóttir   Smjörvi frá Fellskoti   4,53
10   Björgvin Ólafsson   Birta frá Hrepphólum   4,58

   EINSTAKLINGSKEPPNI BARNAFLOKKUR
       SMALI   4GANGUR   3GANGUR   TÖLT   SAMTALS
1   Eva María Larsen    5   9   10   9   33
2   Natan Morthens    9   4   9   10   32
3   Sigríður Magnea Kjartansdóttir    8   10   6   7   31
4   Aníta Víðisdóttir   6   8   4   5,5   23,5
5   Hrafndís Katla Elíasdóttir   10   7   5   0   22
6   Sölvi Freyr Jónasson     7   2   7   3   19
7   Ragnheiður Björk Einarsdóttir   0   5   8   4   17
8   Rósa Kristín Jóhannesdóttir     0   6   3   5,5   14,5
9   Einar Ágúst Ingvarsson    1   3   2   8   14
10   Viktor Logi Ragnarsson   4       0   0   4


   EINSTAKLINGSKEPPNI UNGLINGAFLOKKUR
       SMALI   4GANGUR   5GANGUR   TÖLT   SKEIÐ   SAMTALS
1   Finnur Jóhannesson     10   1   10   9   8   38
2   Dórothea Ármann    3   4   9   10   9   35
3   Karitas Ármann    2   8   8   8   6   32
4   Marta Margeirsdóttir    4   10   5   6,5   4   29,5
5   Vilborg Rún Guðmundsdóttir     9   6   1   3   10   29
6   Katrín Rut Sigurgeirsdóttir    0   9   6,5   6,5   2   24
7   Guðjón Hrafn Sigurðsson   6   7   2   4,5       19,5
8   Kjartan Helgason   5       3   4,5   5   17,5
9   Halldór Þorbjörnsson    8   0   6,5   0       14,5
10   Björgvin Ólafsson   0   5   4   2   1   12


       LIÐAKEPPNI
       SMALI   4gan.   3gan.   5gan.   TÖLT   SKEIÐ   SAMTALS
1   LOGI   60   69   35   34,5   77,5   42   318
2   SMÁRI   42   40   19   9   29,5   13   152,5
3   TRAUSTI   8   0   0   6,5   0   0   14,5