Flottur hestakostur á Ræktun
Nú er Ræktun 2022 að bresta á. Mikið af frábærum gæðingum eru búnir að tilkynna komu sína og lítur dagskráin vel út. Húsið í Fákaseli opnar kl 18.00 og inn í salinn kl 19.00
Silli Kokkur mætir með vagninn og býður upp Hreindýra og Nautaborgara.Miðasala fer mjög vel af stað og stefnir í frábæra stemningu í Fákaseli á laugardagskvöld.
Sýningin hefst kl. 20:00 og fer forsala miða fram í Baldvin og Þorvaldi, Líflandi á Hvolsvelli og Reykjavík. Einnig verður miðasala við innganginn.
Tilvalið að skella sér á frábæra sýningu á mörgu af því besta sem sunnlenskir hestamenn hafa uppá að bjóða.
Miðaverð er kr. 3.500 frítt fyrir 12 ára og yngri