Frábærir hestar og knapar á Flúðum

Gæðingamótinu á Flúðum lauk í gær með A-úrslitum í öllum greinum gæðingakeppninnar. Veðrið var ekki eins og best verður á kosið bæði rok og rigning. Keppendur og starfsmenn létu það þó ekki á sig fá og fór allt vel fram.

Nagli frá Flagbjarnarholti stóð efstur í A-flokki gæðinga með 8,80 í einkunn en Sigurbjörn Bárðarson sýndi hann. í A-flokki áhugamanna var það Iða frá Vík í Mýrdal sem Brynjar Nói Sighvatsson sýndi sem sigraði með 8,40 í einkunn. í A-flokki ungmenna stóð efstur Þorvaldur Logi Einarsson á Sóldögg frá Miðfelli 2 með 8,46 í einkunn.

Efstu hestar í B-flokki gæðinga Ljósmynd/StiklaPhotography

Í B-flokki gæðinga var það Rauða-List frá Þjóðólfshaga sem stóð efst með hvorki meira né minna en 9,05 í úrslitum en það var Sigurður Sigurðarson sem sýndi Rauðu-List. í flokki áhugamanna var það Bertha María Waagfjörð sem sýndi efsta hestinn, Amor frá Reykjavík, og hlaut hann 8,57 í einkunn. í B-flokki ungmenna hlaut Arnar Máni Sigurjónsson hæsta einkunn á Geisla frá Miklholti en þeir hlutu 8,60 í einkunn.

Arnar Máni og Geisli Ljósmynd/StiklaPhotography

Fríða Hildur Steinarsdóttir vann keppni í barnaflokki á Framsókn frá Austurhlíð 2 með einkunnina 8,64. Í unglingaflokki var það Kristján Árni Birgisson sem stóð uppi sem sigurvegari á Glámi frá Hafnarfirði með 8,50 í einkunn.

Fríða Hildur og Framsókn Ljósmynd/StiklaPhotography

B-flokkur ungmenna úrslit

A-flokkur ungmenna úrslit

Unglingaflokkur úrslit

Barnaflokkur úrslit

A-flokkur Úrslit

A-flokkur áhugamanna Úrslit

B-flokkur Úrslit

B-flokkur áhugamanna úrslit