Fyrstu Skeiðleikar ársins – ráslistar og dagskrá

Fyrstu skeiðleikar Baldvins og Þorvaldar árið 2021 fara fram á morgun, miðvikudaginn 26.maí, og hefjast þeir klukkan 19:30. Skeiðleikarnir marka upphaf á alþjóðlegu móti sem framundan er á Selfossi en vænta má dagskrá þess í kvöld.

Það spáir bongóblíðu annað kvöld og því hvetjum við sem flesta að koma og fylgjast með spennandi skeiðkeppni á Brávöllum á Selfossi!

Dagskrá 19:30

250 metra skeið

150 metra skeið

100 metra skeið

Margir af fljótustu skeiðhestum landsins eru skráðir til leiks og eftirvæntingin mikil fyrir því hvernig þeir koma undan þjálfun vetrarins. Mótið verður í beinni útsendingu á www.alendis.tv og í appinu „Alendis“ í App-store.

Eins og áður að þá veitir Hestavöruverslunin Baldvin og Þorvaldur stigahæsta knapa mótanna 100.000 króna gjafaúttekt í verslun sinni auk þess að gefa verðlaun til þriggja hæstu knapa á hverju móti í hverri grein.

Þá mun stigahæsti knapi ársins hljóta farandbikarinn „Öderinn“ sem gefinn er af Gunnari Arnarsyni og Kristbjörgu Eyvindsdóttur til minningar um Einar Öder Magnússon.