Gera atlögu að sæti í landsliðinu

Erlingur Erlingsson og Herjólfur frá Ragnheiðarstöðum sigruðu í töltkeppni á WR íþróttamóti í Romme, Svíþjóð um helgina. Erlingur og Herjólfur hlutu 7,70 í einkunn í forkeppni og fengu svo 7,95 í lokaeinkunn í úrslitum.

Daníel Ingi Smárason sigraði 150 metra skeið á Græði frá Dalbæ, á 15,33 sekúndum og tryggði sér silfurverðlaun í slaktaumatölti einnig Græði. Hann sigraði hins vegar 250 metra skeið á Orion frá Lækjarbotnum, á tímanum 22,30 sek. og hlaut silfur P2 fljúgandi skeiði, einnig á Orion.

Miðað við árangurinn má ætla að Erlingur og Daníel ætli sér að gera atlögu að sæti í landsliði Íslands á Heimsmeistaramótinu í Herning í sumar.

Aðrar niðurstöður mótsins má nálgast hér.