Gróf reiðmennska í kynbótasýningum

Knapar eru aðal áhrifavaldurinn þegar kemur að áverkum á kynbótahrossum í sýningum. Þetta hefur komið í ljós með aukinni söfnun gagna um áverka sem hross verða fyrir í munni og á fótum í kynbótasýningum. Nokkrir knapar sem skera sig úr munu fá senda skriflega áminningu á næstunni. Þetta kom fram í máli Guðlaugs Antonssonar, hrossaræktarráðunauts, á Hrossarækt 2010. Ekki verða þó birt opinberlega nöfn þeirra knapa sem eru með flesta áverka. Ekki kom fram hvort nöfn „hestvænna“ knapa verða birt.