Hæsta hæfileikaeinkunn ársins

Frigg frá Hólshúsum hlaut hæstu hæfileikaeinkunn ársins á Vorsýningu á Gaddstaðaflötum sýnd af Árna Birni Pálssyni.

Frigg hlaut 8,89 fyrir hæfileika og þar af einkunnina 9,0 fyrir sjö eiginileika en þeir eru tölt, brokk, skeið, samstarfsvilji, fegurð í reið, fet og hægt tölt. Frigg er 6.vetra gömul ræktuð af og í eigu Kolbrúnar Ingólfsdóttur, Vals Ásmundssonar og Dagnýjar Lindu Kristjánsdóttur. Fyrir sköpulag hlaut Frigg 8,34 og þar af 9,0 fyrir hófa.

Árni Björn sýndi Frigg í kynbótadómi. Hér á yfirlitssýningu á Hellu. Ljósmynd/Nicki Pfau

Alls hlutu 9 hross hér á landi 8,70 eða hærra fyrir hæfileika á árinu og þar voru 8 hryssur og 1 stóhestur. Þau hross má sjá hér fyrir neðan.