Hörður hlaut Hvatningarverðlaun ÖBÍ

 

Félagið vann í flokki fyrirtækja/stofnana, fyrir frumkvöðlastarf í hestaíþróttum fatlaðra barna og unglinga.

 

Hörður stóð í fyrra í fyrsta sinn fyrir reiðnámskeiðum ætluðu fólki með fötlun, hreyfi- og þroskahömlur og er nú að hefja annað starfsár sitt.

 “Það sem þau upplifa helst er aukið sjálfstæði, aukna getu og færni á hestbaki og í samskiptum við hestana. Ótrúlegt er að sjá framfarir hjá þeim í hverjum einasta tíma, bæði hvað varðar sjálfstraust og færni á hestunum og ekki síst aukin hreyfifærni og liðleiki,” sagði Auður G. Sigurðardóttir í viðtali sem birtist hér í október.

 

Til hamingju Hörður!