Kerrubrokkarar í Hestum og hestamönnum

Hreggviður Eyvindsson var einn af efnilegu ungu knöpunum á Íslandi á níunda áratugnum. Hann sérhæfði sig í að keyra hross í löngum taumum og í kerruakstri. Hann hefur rekið hestamiðstöð í Svíþjóð í tuttugu ár. Hann á nú nokkra ameríska heitblóðshesta og einn þeirra, hryssan Belinda Sign, hefur náð umtalsverðum árangri á kappreiðabrautinni. Á þessu ári hefur hún unnið 12 milljónir króna í verðlaun. Hreggviður þjálfar hryssuna sjálfur en fær ekil til að keyra hana á brautinni. Allt um kerrubrokkara í Svíþjóð í Hestum og hestamönnum sem koma út á fimmtudaginn.