Kirkjureið á höfuðborgarsvæðinu

Hin árlega kirkjureið hestafólks á höfuðborgarsvæðinu verður sunnudaginn 7. maí.

Riðið verður til Seljakirkju, þar sem tekið verður á móti hestum í trygga rétt og gæslu. 

Guðsþjónustan hefst kl. 14.  Sr. Valgeir Ástráðsson predikar. 

Brokkkórinn syngur og leiðir söng undir stjórn Magnúsar Kjartanssonar. 

Allt er það hestafólk sem leggur hönd á plóg. 
Að lokinni guðsþjónustunni verður kirkjukaffi að vanda. 

Lagt verður af stað úr hesthúsahverfunum kl. 12:30, -í Víðidal frá skiltinu, í Gustshverfi við reiðskemmuna og Andvarafólk frá Heimsenda. 

Kirkjureiðin er ætluð fyrir alla fjölskylduna.  Full ástæða til að taka þátt í góðum reiðtúr og njóta stundarinnar í kirkjunni.