Miðasala hafin á Stóðhestaveisluna

Nú er hægt að kaupa miða á Stóðhestaveisluna 2022 sem haldin verður í Ölfushöll á Ingólfshvoli laugardaginn 9.apríl kl 20:00.

Þetta er stærsti og vinsælasti innanhúss viðburður hrossaræktarinnar á Íslandi svo ekki láta þessa veislu framhjá þér fara.

Hægt er að kaupa miða í verslun Líflands Lynghálsi, Ástundar í Austurveri og Baldvins og Þorvaldar á Selfossi. Vertu tímanlega að útvega þér miða en takmarkað magn er í boði og síðast komust færri að en vildu.