Mikill áhugi á sýningum – myndir

Það var þétt skipaður bekkurinn í Rangárhöllinni í gærkveldi þegar stórsýning sunnlenskra hestamanna fór fram en ætla má að á sjöttahundrað áhorfenda hafi mætt.

Það var margt góðra hrossa og líkt og á stórgóðri Dymbilvikusýningu Spretts kvöldið áður var mikil breidd hrossa og erfitt að gera upp á milli hvert þeirra heillaði mest.

Báðar þessar sýningar voru velskipulagðar með fjölbreytileg atriði stóðhesta, afkvæmahópa, skrautreiða og einstaklingsatriða.

Á facebooksíðu Eiðfaxa má sjá myndir af sýningunum.