Niðurstöður milliriðils í B-flokki gæðinga

Álfur frá Selfossi og Christina Lund gáfu tóninn með sýningu upp á 8,70. Grái töffarinn Hrímnir frá Ósi bætti þó um betur skömmu og fékk 8,89 fyrir reffilega sýningu undir stjórn Guðmundar Björgvinssonar. Loki frá Selfossi fékk sömu einkunn þó sýning þeirra Sigurðar Sigurðarsonar bæri þess merki að þeir ættu ansi mikið inni. 

Hestur Berglindar Ragnarsdóttur, Frakkur frá Laugavöllum, rann til í beygju og féll með þeim afleiðingum að Berglind viðbeinsbrotnaði.

Ísólfur Líndal Þórisson sýndi Freyði frá Leysingjastöðum II af öryggi og Glóðafeykir frá Halakoti fór fasmikill um völlinn undir Einari Öder Magnússyni. Esja frá Kálfholti fór settlega undir Ísleifi Jónassyni og reynsluboltarnir Sveigur frá Varmadal og Hulda Gústafsdóttir stóðu fyrir sínu.

Hins vegar opnuðu hliðverðir völlinn þegar sýning Jódísar frá Ferjubakka 3 og Huldu Finnsdóttur var ekki lokið og Sóllilja frá Álfhólum var því lögð af stað inn á of snemma. Leó Geir Arnarsson hætti sýningu Krítar frá Miðhjáleigu eftir að henni brást bogalistinn á stökki. Heyrandi frá brekkudómurum virtist þeim nóg um óöruggar “kususýningar” á stökki.

 

Niðurstöður milliriðilsins eru meðfylgjandi en B-úrslit flokksins fara fram á föstudag kl. 14.30 og A-úrslit síðan á sunnudag kl. 11. Er ljóst að þá munu etja kappi bestu kóngar meðal klárhesta. 

 

Framundan er úrslitaveisla.