Ný hestabraut

Framhaldsskólinn í Mosfellsbæ býður upp á námsbraut í hestamennsku – hestabraut – frá og með hausti 2014 þar sem nemendur geta lokið prófi sem hestasveinn á 1-2 árum. Einnig verður hægt að ljúka stúdentsprófi af kjörsviði hestamennsku á 3-4 árum – opin stúdentsbraut – í framhaldi af hestabrautinni. Læt fylgja með kynningarveggspjald með upplýsingum brautina.

Hvað lærir þú?

• Um búnað og aðstöðu hesta
• Þjálfun hesta
• Gangtegundir hesta
• Líkama og atferli hesta
• Fimiæfingar hesta
• Almennt bóklegt nám
• og margt fleira

Hvað verður þú?

• Hestasveinn (3 – 4 annir)
• Stúdent með áherslu á hestamennsku og hestaíþróttir (6 – 7 annir)

Hvað svo?

• Undirbúningur fyrir háskólanám.
• Undirbúningur fyrir störf í hestatengdri starfsemi.
• Getur leiðbeint um grunnþætti hestamennsku og aðstoðað við þjálfun hesta.

Á kjörsviði hestamennsku og hestaíþrótta eru bóklegir áfangar, verklegir áfangar og vinnustaðanám. Vinnustaðanámið fer fram á hestabúgarði sem skólinn hefur samning við. Nemendur greiða sérstakt gjald vegna verklegrar kennslu á brautinni, 60.000 kr. á önn. Einnig er nauðsynlegt að nemendur hafi hest til umráða.