Röð ræktunarbússýninga

„Sýningar ræktunarbúa skipa heiðurssess á landsmótum hestamanna og á LM2012 í Reykjavík verður engin breyting þar á. Ræktunarbúin eru á dagskrá mótsins föstudagskvöldið 29. júní milli kl. 21:00 og 22:00 og áhorfendum verður boðið að velja bestu ræktunarbússýninguna með símakosningu. Það ræktunarbú sem flest atkvæði hlýtur ávinnur sér þann heiður að koma fram á laugardagskvöldinu í skemmtidagskrá kvöldvöku,“ segir í fréttatilkynningu frá landsmóti en atkvæði fimm manna dómnefndar og fagnaðarláta úr brekkunum gilda til jafns við símakosningu.