Sigurvegarar A flokks frá upphafi

Nú er minna en vika í að Landsmót hefjist á Hellu en þetta verður 24. landsmótið sem hefur verið haldið og það fimmta á Hellu.

Á fyrstu Landsmótunum var dagskrá og keppnisgreinar mjög svipaðar. Kynbótasýningar og kappreiðar voru í forgrunni en einnig var keppt í góðhestakeppni. Það var í fyrsta sinn á Landsmótinu 1970 sem keppt var í tveimur flokkum; a flokki og b flokki.

Hér fyrir neðan er listi yfir alla þá hesta sem hafa sigrað A flokkinn á Landsmóti frá upphafi en fyrstur til að vinna var Blær frá Langholtskoti, knapi Hermann Sigurðsson. Blær og Hermann höfðu einnig sigrað góðhestakeppnina á LM1966.

Hafsteinn frá Vakurstöðum og Teitur Árnason unnu a flokkinn á síðasta Landsmóti með einkunnina 9,09. Eyrún Ýr Pálsdóttir er eina konan sem hefur unnið a flokkinn á Landsmóti en hún sat Hrannar frá Flugumýri II og unnu þau a flokkinn á LM 2016 á Hólum með 9,16 í einkunn.

Spuni frá Vesturkoti og Þórarinn Ragnarsson hafa hlotið hæstu einkunn sem gefin hefur verið í úrslitum í a flokki á Landsmóti en þeir unnu með 9,30 í einkunn. Geisli frá Sælukoti og knapi hans Steingrímur Sigurðsson eru þeir einu sem hafa unnið a flokkinn oftar en einu sinni en þeir sigruðu fyrst árið 2004 á Hellu og síðan árið 2006 á Vindheimamelum.

Þeir hestar sem hafa unnið A flokkinn á Hellu eru Spuni frá Vesturkoti (2014), Aris frá Akureyri (2008), Geisli frá Sælukoti (2004), Dalvar frá Hrappsstöðum (1994) og Júní frá Syðri-Gróf (1986). Það verður spennandi að sjá hver bætist í hópinn að móti loknu.

Sigurvegarar A flokks á Landsmóti frá upphafi