Sjötta gullið! Beggi varði titilinn – video

Það skákaði enginn Bergþóri Eggertssyni og Lótus frá Aldenghoor í dag og er hann því titilhafi í 250 metra skeiði annað heimsmeistaramótið í röð! Besti tími þeirra var 21,89 sekúndur.

Guðmundur Einarsson tryggði sér annað silfur á Sprota frá Sjávarból, en hann var einnig í öðru sæti í keppni í gæðingaskeiði í fyrradag. Besti tími þeirra var 22,10 sekúndur.

Þriðjir sprettur þeirra félaga, Bergþórs og Guðmundar, var æsispennandi eins og sjá má á meðfylgjandi myndbandi!

Bronsið hlaut svo hin danska Tania H. Olsen á Sólin frá Stro en hún mun reyna að verja heimsmeistaratitil sinn í 100 metra skeiði á morgun.

Elvar Einarsson og Kóngur frá Lækjarmóti urðu í 7.-8. sæti, með 22,70 sekúndur sem besta tíma.

Annabell Steuer frá Þýskalandi var besta ungmennið en hún fór metrana 250 á Geisu frá Reykjavík á 22,56 sekúndum.