Svandís og Fjöður hlutu hæstu einkunn ársins

Nú er öllum mótum lokið á Íslandi og því vert að kíkja á stöðulista ársins og hverjir hafa náð hæstu einkunnum í hringvallargreinum eða verið fljótastir í skeiðgreinum hér á landi. Stöðulistar miða alltaf við einkunn í forkeppni. Hér fyrir neðan má sjá efstu knapa í tölti (T1) í unglingaflokki

Hæstu einkunn ársins hlaut Svandís Aitken Sævarsdóttir á Fjöður frá Hrísakoti en þær hlutu 7,23 í einkunn á Íslandsmóti barna og unglinga. Með næst hæstu einkunn ársins er Elva Rún Jónsdóttir á Straumi frá Hofsstöðum í Garðabæ með 7,17 í einkunn og í því þriðja Elísabet Líf Sigvaldadóttir á Goða frá Garðabæ með 6,93.

Stöðulistinn er birtur með fyrirvara um það að allir mótshaldarar hafa skilað inn niðurstöðum frá sínum mótum.