Sýningaáætlun kynbótasýninga

Á Landsmótsári má búast við því að mikið úrval hrossa komi fram á vorsýningum og ættu allir ræktendur að geta komið hrossum sínum að því 12 vorsýningar eru áætlaðar frá 27. maí til 21.júní.

Fimm sýningarstaðir verða í boði á vorsýningum en það eru Hólar, Víðidalur, Selfoss, Sprettur og Rangárbakkar. Flestar sýningar eru áætlaðar á Rangárbökkum, alls fjórar, þrjár sýningar er áætlaðar á Hólum, tvær á Selfossi og í Spretti og ein í Víðidal þar sem Landsmót fer svo fram 1. – 7. júlí.

Miðsumars er áætlað að halda sýningar á Hólum, Stekkhólma og Rangárbökkum og síðsumars á Hólum og Rangárbökkum.