Ungur stóðhestur efstur á Mið-Fossum

Síðsumarsýning Vesturlands fór fram daganna 15. – 18. ágúst sl. á Mið-Fossum og voru 84 hross skráð til dóms.

Þar hlaut hæstu aðaleinkunn 4 vetra stóðhestur, Vaðall frá Akranesi sem er undan Aðli frá Nýjabæ og Þræsingu frá Garðabæ, undan Hrafni frá Holtsmúla og Tinnu frá Austurkoti. Vaðall fékk einkunnina 8,30 fyrir byggingu og 8,40 fyrir hæfileika, sem ennfremur var hæsti hæfileikadómur sem hross hlaut á sýningunni. Einkunnina 9 fékk Vaðall fyrir vilja og geðslag og 8,5 fyrir tölt, stökk og fegurð í reið. Reiknast dómur Vaðals í 10.-14. Sæti yfir hæstu dóma sem 4 vetra stóðhestar hafa hlotið, og skipar þar sæti með gæðingunum Illingi frá Tóftum, Dalvari frá Auðsholtshjáleigu og Eldi frá Torfunesi sem hlaut sömu aðaleinkunn á Landsmóti í sumar. Sýnandi Vaðals er Karen Líndal Marteinsdóttir.

Þá sýndi Jakob Svavar Sigurðsson 5 vetra Orradóttu að nafni Bót frá Skeiðvöllum undan Byssu frá Hala (ae. 8,21) undan Þokka frá Garði og Stóru-Jörp frá Hala. Hlaut Bót 8,14 fyrir byggingu og afar jafnan hæfileikadóm 8,32.

Þriðju hæstu einkunn hlaut glæsileg klárhryssa, Hamborg frá Feti. Fyrir byggingu fékk Hamborg einkunnina 8,18 og fyrir hæfileika 8,11, þar af hlaut hún einkunnina 9 fyrir stökk, vilja og geðslag og fegurð í reið. Hamborg á báðar ættir sínar að rekja til Orra , en hún er undan Stíganda frá Leysingjastöðum II, sem er undan Andvara frá Ey I, og Orradótturinni Álaborg frá Feti. Sýndandi Hamborgar var Guðmundur Björgvinsson.

 

Meðfylgjandi eru úrslit síðsumarssýningarinnar.

Fæðingarnr.       Hross    Sýnandi              
Sköpulag            
Kostir   
Aðaleinkunn