Verðlaunafé til sænskra kynbótahrossa
Alma från SundsbergsKval er dæmi um hryssu sem fær bæði verðlaun fyrir að vera hæst dæmda fjögurra vetra hryssa ársins í Svíþjóð sem og að vera með yfir 8,0 í aðaleinkunn fjögurra vetra. Mynd: SIF Avel
Nýjung er í ár í Svíþjóð en frá og með árinu 2021 fá hæst dæmdu fjögurra, fimm og sex vetra stóðhestar og hryssur ársins 10.000 sænskar krónur í verðlaunafé sem skal vera deilt á milli ræktenda og eigenda. Þetta er u.þ.b. 144.000 ísl.kr
Einnig munu öll fjögurra vetra hross sem fá 8,00 eða hærra í aðaleinkunn fá að verðlaunum 5.000 sænskar kr. (u.þ.b. 72.000 ísl.kr) til að deila á milli ræktenda og eigenda.
Það er ekki það eina því öll hross sem hljóta yfir 9,00 fyrir hæfileika fá 50.000 sænskar kr. (u.þ.b. 720.000 ísl.kr) í verðlaun.
Verðlaunin eru samstarf á milli Agria og SIF Avel (ræktunarsamtakana í Svíþjóð).
Þessi verðlaun eru einungis veitt kynbótahrossum sem eru fædd í Svíþjóð.
Til minningar um Rúnar Geir Ólafsson 
Vigdís Matthíasdóttir ráðin yfirþjálfari Hæfileikamótunar LH 