Vöðlar/Snilldarverk sigurvegarar í Suðurlandsdeild Eques 2026

8. apríl 2026
Fréttir

Frábærum vetri lokið í Rangárhöllinni

Lokamótið í Suðurlandsdeild Eques fór fram í gærkvöldi. Að loknu spennandi keppnistímabil var það lið Vöðla/Snilldarverks sem stóð uppi sem sigurvegari eftir harða baráttu. Keppnistímabilið í ár var merkilegt fyrir margra hluta sakir og ekki síst það að í ár var tíunda skiptið sem deildin er haldin.

Á lokamótinu hófst keppni á flugskeiði í gegnum höllina þar sem Ásmundur Ernir Snorrason á Núma frá Árbæjarhjáleigu II var fljótastur atvinnumanna og Hinrik Ragnar Helgason á Stirni frá Laugavöllum fljótastu áhugamanna. Í skeiðinu voru þau jöfn að stigum lið Bakkakots og lið Krappa.

Lið Bakkakots og Krappa voru jöfn í skeiðkeppninni

Í töltkeppninni var stigahæsta liðið Vöðlar/Snilldarverk. Í tölti áhugamanna stóð efst Soffía Sveinsdóttir á Skuggaprinsi frá Hamri með 6,89 í einkunn og í tölti atvinnumanna var það Hulda Gústafsdóttir sem fór með sigur á Flautu frá Árbakka með 7,61 í einkunn en Ólafur Ásgeirsson varð annar með sömu einkunn. Stigahæsta lið kvöldsins í töltinu var lið Vöðla/Snilldarverks.

Lið Vöðla/Snilldarverks á toppnum

Lið Vöðla/Snilldarverks skipa atvinnumennirnir Ásmundur Ernir Snorrason, Stella Sólveig Pálmarsdóttir og Ólafur Ásgeirsson. Áhugamenn liðsins eru Åsa Ljunberg, Hannes Brynjar Sigurgeirsson og Elín Hrönn Sigurðardóttir.

Lið Vöðla/Snilldarverks átti magnaðan vetur. Liðsmenn þeirra tóku allir þátt í deildinni.
– Í fjórgangi urðu atvinnumenn liðsins í 3.-4. og 6. sæti og áhugamenn í 1. og 8. sæti.
– Í fimmgang urði atvinnumenn liðsins 5. og 17. sæti.
– Í T2 varð atvinnumaðurinn 7.-8. sæti og áhugamaðurinn í 2. sæti.
– Í Parafimi varð parið í 3. sæti.
– Í skeiði varð atvinnumaðurinn í 1. sæti og áhugamaðurinn í áhugamaðurinn í 6. sæti.
– Í tölti urðu atvinnumenn liðsins í 3. og 4. sæti og áhugamenn liðsins í 3. og 10. sæti.

Gríðarlega flottur og jafn árangur sem skilaði liðinu til sigurs og óskum við þeim innilega til hamingju!

Stigahæstu knapar kvöldsins komu báðir úr liði Árbakka/Árbæjarhjáleigu II en það var í flokki atvinnumanna Gústaf Ásgeir Hinriksson og flokki áhugamanna Arney Ólöf Arnarsdóttir.

Heildarniðurstöður liðakeppninnar voru eftirfarandi:
Sæti Lið Stig
1. Vöðlar/Snilldarverk 307
2. Árbakki/Árbæjarhjáleiga 294,5
3. Miðkot/Skeiðvellir 255
4. Bakkakot 246
5. Krappi 239,5
6. Raflagnaþjónusta Selfoss 231,5
7. Hestefli 230
8. Húsasmiðjan 226,5
9. Kastalabrekka 188
10. Syðri-Úlfsstaðir/Traðarás 180,5
11. Wicked viking 175,5

Stigakeppni einstaklinga – Atvinnumenn
Sæti Knapi lið Stig
1. Gústaf Ásgeir Hinriksson Árbakki/Árbæjarhjáleiga 99,5
2. Ásmundur Ernir Snorrason Vöðlar/Snilldarverk 91,5
3. Sigurður Sigurðarson Krappi 87
4. Malin Anderson Wicked viking 66,5
5. Ólafur Þórisson Miðkot/Skeiðvellir 64,5
6. Jón Ársæll Bergmann Bakkakot 63,5

Sex stigahæstu knapar í flokki áhugamanna
Stigakeppni einstaklinga – Áhugamenn
Sæti Knapi lið Stig
1. Arney Ólöf Arnardóttir Árbakki/Árbæjarhjáleiga 79,5
2. Pernilla Göransson Húsasmiðjan 77
3. Þórdís Sigurðardóttir Raflagnaþjónusta Selfoss 68,5
4. Rúnar Freyr Rúnarsson Bakkakot 63,5
5. Sarah Maagaard Nielsen Miðkot/Skeiðvellir 61,5
6. Heiðdís Arna Ingvarsdóttir Syðri-Úlfsstaðir/Traðarás 60

Nánari niðurstöður úr deildinni má nálgast í HorseDay appinu.

Stjórn deildarinnar vill þakka öllum sem komu að deildinni hvort sem það voru áhorfendur, styrktaraðilar, sjálfboðaliðar eða dómarar.