Feykispennandi keppni í 100 metra skeiði – úrslit-

Þau urðu nærri því sjö, gullin fyrir Ísland.

Eftir að keppendur höfðu hlaupið báða sprettina í 100 metra skeiði var ljóst að Elvar Einarsson á Kóngi frá Lækjarmóti og Iben Andersen frá Danmörku á Skugga frá Hávarðarkoti voru jafnfljót að fara metranna, eða á 7,44 sekúndum.

Elvar og Kóngur fóru fyrri sprettinn á 7,45 sekúndum og voru aðeins einu sekúndubroti á eftir Iben og Skugga. Hins vegar jöfnuðu Elvar og Kóngur tíma Ibens og Skugga í seinni sprettinum, en þau dönsku fóru metranna á lakari tíma.

En þar sem tölvukerfið nam ekki síðari sprett Taniu H. Olsen frá Danmörku og Sólons frá Stro fengu þau annað tækifæri til að spretta úr spori. Og viti menn, þau fóru metranna á 7,43 sekúndum og vörðu því heimsmeistaratitil sinn í greininni.

Bergþór Eggertsson og Lótus frá Aldenghoor urðu í fjórða sæti með sprett upp á 7,45 sekúndur.