Gæðingamót Fáks: Hörð keppni milli ungmenna

Forkeppni í ungmennaflokki í Gæðingamóti Fáks var að ljúka. Keppnin er bæði hörð og spennandi og aðeins brotabrot aðskilja efstu knapa.  

Sara Sigurbjörnsdóttir og Ögri frá Hólum stendur efst með einkunnina 8,50 en þau kepptu einnig í gær í B-flokki gæðinga og eru í 4. sæti þar eftir forkeppni. Edda Hrund Hinriksdóttir er önnur með einkunnina 8,48 á Hæng frá Hæl en hún festi nýlega kaup á klárnum, sem best er þekktur fyrir að vera keppnishestur Ríkharðs Flemming Jensen. Flosi Ólafsson og Garrasonurinn Hvinur frá Vorsabæ 1 eru þriðju með einkunnina 8,46 en Teitur Árnason og Borði frá Felskoti eru aðeins einni kommu á eftir þeim.

Úrslit í ungmennaflokki fara fram á sunnudag kl. 14.30.

Þess má geta að Fákur sendir út beinar fréttir á Facebook síðu sinni og má þar nálgast nýjustu upplýsingar af mótinu.

Hér eru úrslit úr forkeppninni.